"SURAT PENAWARAN"

Mandapothon nanihaholongan,
Siporiban boru ni datulang,

Dohot hormat,
Mansai as situtu do rohakku paboahon tu ho hasian, naung "madabu lope" do ahu tu ho sian tanggal 25 Desember 2012 naung salpu i. Ra didok halak efek ni "MARTINA" do on.

Marhite panghataionnami saoppu, di tanggal 31 Desember 2012 topetna di ujung taon i pukkul 19.00 WIB, naung mansai balga situtu do rohakku mangidohon ingkon ho ma gabe parumaen ni dainang, jala ingkon holan ho sambing do naung tarpangan rohangkon.

Tung gok situtu do rohakku menawarhon diriku gabe haholongan ni roham nagok prospektif. Hubungan holong ni rohata ingkon  mandalani masa percobaan minimal tolu bulan andorang masuk tusangkap parbogason. Napastina, dungkon masa percobaan simpul, ingkon dibahen do pe jumolo "on the job training" nalobi intensif jalamarhaudutan. Dung i muse, siganup tolu bulan ingkon adong diadakan tontong evaluasi "performa kerja" naboi panaingkon status sian "nanihaholongan ni roha" gabe PARSONDUK BOLON. Biaya naharuar laho mangan dohot maronan rap mambagi dua sama rata di hita nadua bola pihak.

Dungkon i, marhitehon "performa dan kinerja" ni hasian, dang tartutup kemungkinan ingkon gabe ahu menanggung bagian na lumobi balga sian pangaluaran total. Alai, mansai marbisuk do ahu mangida jala  manilai, jumlah dohot bentuk pengeluaran nanaeng sikaluarhononmu annon.

Ahu, sian toru ni roha mangidohon tu langkam gira mangalusi penawaran on di bagasan 30 ari taretong tanggal parsahat ni surat on. Lewat sian tanggal ondeng, penawaran on gabe dibatalhon so pola marhite boa-boa namangihut, jala unang salahon ahu gabe lao tu siporiban naasing.

Mandok  mauliate situtu do ahu, molo so olo ho di ahu, pasahatonmu muse surathon tu anggim tinodohonmi.  Ala taringot do ahu di hata n natua-tua namandok, molo dang dangkana rantingna, molo so olo angkana ba anggina.

Tarsongon i ma jo panawaran on hubaen hasian.
Jumolo dohot di pudi, dohononku mauliate godang.

Tabeku,
Hasian haholongan ni roham,
Sutrisno Sumando Sianturi

Asa haro paposhon roham, nitembushon do surat on tu angka dongan tubu, iboto, lae, bere, dohot pomparan ni Toga Simatupang na adong di sandok portibi on.