SURAT SHINTA NI SADA AMA2 NA MANSAI HOLONG TU PARSONDUK BOLONNA
(Quoted by Ama Tarigil)
Umak ni si Butet....♥
Mancai holong situtu do rohangku tu ho hasian.
Tung nabalga ba hinaulinibasam tu ripetta on.
So tahuak do pe manuk, dungo do ho mangaradoti angka naringkot, atik pe so dungo do pe ahu, adong ma i namngaloppa, diparade ho muse paridianhu, hinorhon ni ngali ni hutata on. Hape ianggo ho, maridi aek ngali do.
Dung mullop mataniari, ipe asa didungoi ho ahu, huhut didok ho "Hasian, ia dungo ma ho da raja doli, nga huparade paridianmu. Hubahen ma kopim?" nimmu do.
Dungkon i, di tingki maridi ahu, nga di sangahon ho pature angka dakdanak, laos disangahon manaruhon tu parsikkolaan.
Ia dung attar hos ari i, ho muse do jumolo tu porlak an, ia ahu dang ra marnasikkop manjaha koran on, huhut minum kopi namansai angur pinatupami.
Ia dung arian, jumolo otik do ho mulak sian ladang sian ahu, alai dung mulak ahu tu bagasta, nga rade-rade sipanganon sude dipatupa ho.
Dung sippul manggadong siarian, husangahon modom tongkin, ia ho, sanga do tu jabu sadaan martiga-tigahon baju rombengan dohot parfum nasongik i. Atik satamba angka pansamotan di dok roham.
Ia dung bot ari, dijouhon ho do tu buha bajutta asa dipareso dorbia, atik pe mangulahon sude huhut attar adong ungut-ungutmu. Alai radot do ho sude ugasanmu. Sikkop pinahanmi, anakkonmi diparmudu-mudu ho, jala diajar-ajari ho bornginna i. Ianggo ahu, tontong do marsitotol matakkon di jolo ni tivi on. Atik naung boha negara on.
Alai sai nimmu ma, loja na i ho pasari-sari bangso on, ia ripem namet-met on ma sarihon.
Atik pe attar songon narimas idaon bohim, ia dung jumpa tingki modom, panganjumi ma hasian. "Pa, sogot tu hauma do, modom ma hita hasian, asa paulak gogo dah" huhut didampol ho tanggurunghi.
Umak ni butet nauli lagu....♥
Sipata lungun do rohaku..
Sai hira gok dosa do sipata huhilala...
Sasintong ni situtu, tung so dipaido rohakku do ho, songon i loja...
Mama santtik....♥
Unang sai malojahu ho hasian....
Boha ma, ia hulului sadanari omak ni butet on hasian????!@#$%^&*()!!!!!
